Blog do Colexio Rural Agrupado A Lagoa, composto por 7 escolas: Arantei, A Vesada, Cabreira, Oleiros, Fornelos, Pesqueiras, Corzáns e con sede en Salvaterra de Miño, Rúa Rosalía de Castro 108 (Tlf.986659363)
Na aula de Pesqueiras esta fin de semana tódolos nenos e nenas xogamos as letras en familia. O noso gran reto como exploradores consistía en atopar obxectos do noso contorno que comezaran pola inicial dos nosos nomes.
Este foi o resultado....
O luns pola máñá pasámolo estupendamente amosándolle a tódolos compis o resultado da nosa búsqueda.
enviounos un paquete que traia todo o necesario para plantar duas aciñeiras. Tamén nos enviou un folleto onde nos explicaba por que é moi importante que haxa árbores no noso planeta; ademais ensinábanos como debiamos plantar e coidar todos os días as nosas aciñeiras. Así que puxémonos mans á obra:
1. Botámoslle terra á maceta:
2. Botamos a durmir as landras -como nos ensinou Bob Esponxa-:
3. Tapámolas cun pouco máis de terra:
4. Regamolas case que todos os días:
Esperamos que cos nosos coidados as nosas duas aciñeiras saian andiante e poidamos transplantalas (cando crezan un pouquiño máis) a un monte onde haia máis aciñeiras coma elas para que non estean tan soliñas.
Con motivo do programa CANCIENCIA que estamos a desenrolar no CRA este curso, o pasado venres dia 12 de novembro os alumnos e alumnas da escola de Fornelos saíron nun pequeno espazo do telediario (edición das 21:00h) de Telecinco.
Se pinchades "AQUI" accederedes directamente a páxina web desta cadea de televisión.
Tedes que deixar que cargue un pouco o video, e logo, poñendo o rato enriba da imaxe, sen clicar en ningures, aparece (entre o título do informativo e o sintonizador do volume) unha barriña branca estreita, ahí é onde tedes que buscar o minuto 34.40.
Como xa vos anunciábamos días atras a bruxa Patuxa veu a nosa escola polo samaín.
Entre o mércores e o venres da semana pasada foi pasando por tódalas aulas.
Os nenos e nenas estaban
preparados
para a visita disfrazados de cabazas.
Primeiro...... o "conxuro", é importante recitar ben o conxuro se queremos que nos escoite a apareza.
"Ollos de gato
Dentes de rato
A bruxa piruxa
Chámase ..... Patuxa"
Despois.... recibimos a bruxa con ledicia e sonrisas.
A bruxa precisa a axuda de tódolos nenos e nenas para atopar o seu gato e mais un dos seus zapatos, que seica lle caeu dende o aire mentres voaba na súa vasoira.
En grupo e colocados nunha roda, coa bruxa no medio, cantamos a canción do zapato perdido da bruxa Patuxa, e fomos ao lugar onde ela nos indicou que pensaba que lle caera o zapato.
"A bruxa Patuxa
Perdeu o zapato
con suela de goma
con cintas e lazos
¡Qué triste está Patuxa
sen o seu zapato!
¡Qué triste esta Patuxa
co seu pé descalzo!"
Saen apresurados da aula na procura do zapato, buscan e buscan por tódolos rincóns ata que o atopan.
Finalmente, Patuxa marcha discretamente e sen facer moito ruido, pero deixa unha carta de despedida, e uns agasallos para todos os presentes, caramelos e debuxos para colorear.
De tódolos momentos vividos a continuación tedes este video.
(a aula de meder non sae neste video por falta de material, pero como se aprecia nas fotos a bruxa Patuxa tamén visitou esta aula.)