O dia 22 de decembro de 2011 celebramos no centro cultural de Leirado o festival de nadal.
Tras o recibimento aos nenos e as suas familias comezaron os actos que tiñamos programados. En primeiro lugar a obra de monicreques "o zapateiro e os trasnos" e que foi representada polos mestres do cra.
A continuación as actuacións das aulas, cantando panxoliñas en distintos idiomas, estaban todos moi dispostos e dispostas cos seus gorros de distintas cores e algún que outro atrezo mais.
Primeiro cantaron unha panxoliña en Español os alumnos das aulas de Oleiros, Meder e Arantei.
A continuación viñeron as aulas de Cabreira e Fornelos e a sua canción en Portugués.
Os terceiros en subir ao escenario foron as aulas de Corzáns e Pesqueiras, que tal e como estaba no programa bailaban unha panxoliña en galego.
Por último as aulas de Vesada A e Vesada B, e a súa canción de papa noel en ingles.
Seguindo co programa era o turno das familias, temos que dar as grazas moi especialmente pola sua participación, que este ano foi moi numerosa. Todos puxeron o seu gran de area e a canción proposta para este ano saiu de maravilla.
E que dicir das actuacións sorpresa deste ano. Primeiro o duo musical "os auténticos" formado por Edgar e Brais de Oleiros, e mais tarde co grupo de gaitas e pandeireta, foron estupendas, grazas a vos tamén.
Despois de tanta emoción e diversión xa pensabamos que todo estaba visto, e nada mais lonxe da realidade, quedaba a actuación musical preparada polo mestre de música e representada por tódolos nenos e nenas do cra. Todos subidos ao escenario cantaron e bailaron a ritmo de guitarra o popular tema de Shakira "waca waca".
Tras uns minutos de descanso e merenda chegaron os tan esperados reis magos, Melchor , Gaspar e Baltasar asistiron a cita de cada ano e non se esquenceron de traer un agasallo para cada neno. Un por un foron subindo os grupos das aulas acompañados pola sua mestra e se fixeron unha foto diante deles. Qué emocionanate!
PESQUEIRAS
OLEIROS
MEDER
FORNELOS
ARANTEI
VESADA B
CABREIRA
VESADA A
CORZÁNS
Finalmente pedir desculpas pola tardanza en publicar esta noticia e desexámosvos a todos un feliz ano novo.