Queridas familias: 

A Consellería de Educación, Universidade, Formación Profesional e Innovación Educativa dita as seguintes Instrucións con data do 27 de abril de 2020, para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

http://www.edu.xunta.gal/portal/sites/web/files/instrucions_3trimestre.pdf

Seguindo ditas instrucións desde o CRA A LAGOA queremos informar que: 

- A información básica da adaptación das programacións didácticas para a finalización do curso 2019-2020, será elaborada polo equipo docente en base aos principios de claridade, transparencia e obxectividade que garantan o dereito dos alumnos e alumnas a que o seu rendemento sexa avaliado conforme a criterios obxectivos e dito DOCUMENTO GUÍA será publicado na blog do centro.

- Só serán avaliables os contidos impartidos no 1º e 2º trimestre de xeito presencial. Todas as actividades realizadas neste terceiro trimestre serán de repaso e non serán avaliables.

- As actividades lectivas que se desenvolven durante o terceiro trimestre do curso 2019- 2020, sempre condicionadas polo que dispoñan as autoridades sanitarias, non se estenderán máis alá das datas establecidas na Orde do 20 de xuño de 2019, pola que se aproba o calendario escolar para o curso 2019/2020 nos centros docentes sostidos con fondos públicos na Comunidade Autónoma de Galicia. Polo tanto as clases REMATAN O VENRES 19 DE XUÑO. 

Por parte do equipo docente, e en vista dun terceiro trimestre no que pode que non voltemos ás aulas, queremos establecer novas vías de comunicación coas familias. A Consellería pon á nosa disposición a aplicación Cisco Webex Meetings para realizar vídeochamadas, que se a empregades desde o ordenador, podedes acceder directamente desde a páxina web https://eduxunta.webex.com, pero se ides acceder empregando móbil ou tableta, será necesario que baixedes esta aplicación para poder empregala.

https://play.google.com/store/apps/details?id=com.cisco.webex.meetings

En breve as titoras contactarán con vós para convocarvos. En calquera caso, seguimos estando á vosa disposición no tlfno do centro 986659363 e no correo cra.alagoa@edu.xunta.es.

Apertas!

Aí van un enlace a titorial .