FESTIVAL DE NADAL NO CRA A LAGOA 2023/2024

Queridas familias:

Aquí tedes unha mostra das actividades que fixemos, e as actuacións do Festival de Nadal do pasado xoves 21 de decembro. 

Despedimos así este primeiro trimestre, esperamos que vos guste! 

Actuación de Inglés

Actuación de Corzáns, Oleiros e Pesqueiras

Actuación de Arantei e Vesada

Actuación de Cabreira e Fornelos

Actuación do profesorado e as familias

Grazas pola vosa colaboración e que pasedes boas festas!!
 

Festival de NADAL

       O día 22 celebramos nas aulas o festival de Nadal que este ano estivo relacionado co Camiño de Santiago. Arantei  escolleu unha canción vinculada co Camiño  do Norte,  Cabreira co Camiño Primitivo, Cozáns co Camiño Inglés, Fornelos co Camiño Francés, Oleiros co Camiño de Fisterra a Muxía, Pesqueiras coa Vía da Prata e Vesada co Camiño Portugués.

Aínda que foi un festival moi diferente ao de anos anteriores, gozamos vendo as actuacións de todas as aulas, degustamos ricas merendas de Nadal, recibimos postais d@s nos@s compañeir@s das outras escolas e tivemos a visita do apalpador e tamén agasallos. Ademais, como fixo bo tempo, os nosos familiares puideron ver a nosa actuación en directo nos patios das escolas.  

Aquí deixámosvos unha mostra do noso FESTIVAL DE NADAL do 2020!!!            

FELICES FESTAS!!                             

                                                                

ARANTEI                                                                   

                                                         "Astonauta tronpeta flauta"              

                           

                        

PESQUEIRAS

                                                                               "Macarena"

                          

                                                     

  FORNELOS

               “ Bim bam toi”                                                                      

                                     

VESADA     

“Caminho de Viseu “

                                                                                                   

                               

CORZÁNS

                                                                           " I like to move It"

                        

            

CABREIRA

"Nun mos gusten los lunes"

OLEIROS

"Pousa, pousa"

E non podía faltar a visita do APALPADOR

Grazas  ao ANPA e ao Apalpador pola  vosa colaboración,

FELICES FESTAS!!

Unha postal de Nadal moi especial

 Queridas familias, como este ano é especial queriamos tamén felicitarvos as festas dun xeito diferente. Agardamos de corazón que gocedes dun BO NADAL e que nunca perdades a ilusión e o sorriso.

FESTIVAL NADAL

O 20 de Decembro celebramos na Casa da Cultura de Salvaterra o noso Festival de Nadal que nesta ocasión foi temático e por iso tivemos diferentes estilos musicais: pop, rock, salsa, country,..
Foi unha mañá moi completa na que tivemos tempo para ensaiar tod@s xunt@s, merendamos rica froita, bica e rosca; tamén participaron as familias, decoramos a nosa árbore de Nadal e ata tivemos a gran sorte de recibir a visita do apalpador que chegou cun gran saco cheo de agasallos para os nen@s.
Aquí vos deixamos unha mostra deste día agardando  que gozásedes tanto coma nós.
GRAZAS coma sempre a tod@s por axudarnos e estar aí sempre connosco!!
FELICES FESTAS, VÉMONOS NO 2020!!!!!

ACTUACIÓNS

ARANTEI-FORNELOS

                            

A VESADA-CABREIRA

                                   CORZÁNS-PESQUEIRAS

                                            OLEIROS

                                              INGLÉS

                                              FAMILIAS

                                        APALPADOR

MONTAXES DE PRESENTACIÓN DAS ACTUACIÓNS

ARANTEI-FORNELOS

A VESADA-CABREIRA

                                     CORZÁNS-PESQUEIRAS

                                          OLEIROS

                                                   

                                              INGLÉS

                                            FAMILIAS

Plaza do Concello Salvaterra de Miño

                                   

XA CHEGA O NADAL

FESTIVAL DE NADAL 2018

O pasado venres, 21 de Decembro, celebramos na casa da cultura de Salvaterra de Miño o noso festival de Nadal. Contamos coa actuación de Tarabelos, merendamos unha riquísima rosca, cantamos e bailamos panxoliñas e ata tivemos a gran sorte de falar cos  Reis Magos de Oriente que nos trouxeron un fermoso agasallo.
Aquí vos deixamos unha mostra do ben que o pasamos ese día.
Moitísimas grazas a todos e BO NADAL!!!!!

• Actuación  de TARABELOS: SABELA E O PAXARO MÁXICO

• Acutacións das aulas:

         1. FORNELOS-PESQUEIRAS: REMIX NAVIDEÑO

                       2. ARANTEI-A VESADA: LA FÁBRICA DE SANTA CLAUS

 3.  OLEIROS: TE REGALO UNA SONRISA

      4. CABREIRA -CORZÁNS: A MIÑA GRAN NOITE

5. INGLÉS: THE SANTA CLAUS ROCK

6. PANXOLIÑA PAIS: METIDO NUN OVO

• Momentos do festival

Xa arrecende a Nadal, así que haberá que ir ensaiando para cantar panxoliñas. Este ano, as nais, os pais e profes, imos deleitar ós nosos peques coa panxoliña "Metido nun ovo". Aí vai texto e música!

"METIDO NUN OVO"
 CANTIGAS DE REIS
Cantigas Populares Galegas

Os tres reises magos
van para Belén,
quitaron os zocos
para correr ben.

Lupe de Caveira
failles o café,
Esperanza de Macario
peneira de pé.
(bis)

Escoiten señores
o aguinaldo novo
que naceu o neno
metido nun ovo.

Escoiten señores
o aguinaldo vello
que naceu o neno
metido nun cesto.

Déano-lo aguinaldo
anque sexa pouco,
un bo bacallao
e a metade doutro.

De postre castañas
boas e ben grandes,
un molete enteiro
e un queixo de flandes.
(bis)

A NOSA POSTAL DE NADAL

E aí vai a canción para que as familias lles cantedes ás nenas e nenos. Ide afinando a voz!!!

FESTIVAL DE NADAL 2016

O pasado mércores, 21 de Decembro,celebramos como todos os anos na casa da cultura de Salvaterra, o festival de Nadal. Aquí vos deixamos algúns momentos vividos ese día,no que disfrutamos co espectáculo de Barafunda e o seu "Mago Tolo",coas actuacións dos nenos e os pais, degustamos unha rica rosca e productos navideños e como non,os Reis Magos viñeron a visitarnos para recoller as nosas cartas, deixarnos un pequeno agasallo e un montón de caramelos. ACTUACIÓNS DOS NENOS E PAIS DIFERENTES MOMENTOS DO FESTIVAL VISITA DOS REIS MAGOS Grazas a todos coma sempre pola vosa participación. BO NADAL E FELIZ ANO NOVO!!!

Felices festas e Bo Nadal

Os nenos e nenas do Cra a Lagoa queren desexarvos un Bo Nadal!!

PANXOLIÑA DE NADAL PARA NAIS E PAIS

Ola a tod@s. Estanse achegando as festas de Nadal, e como xa saberedes, no noso festival de Nadal participamos todos. Como xa é tradicional as nais e pais (e coa colaboración das mestras), subidos todos no escenario, cantades unha panxoliña para os nenos. Non vos esquezaces de que o festival será o vindeiro mércores 21 de decembro na Casa Cultural de Salvaterra. Así que aí vai a panxoliña para que podades ir ensaiando e sabede que no festival tamén soará a música de fondo para que nos resulte máis doado.
Ánimo!!!!




LETRA

Xesusiño está nas pallas
súa nai está con el
xunto a el tamén están
o boi, a mula e máis Xosé
(BIS)

E VAMOS A VER,E VAMOS A VER
AO NOSO MENIÑO
QUE NACEU
COS OLLOS AZUIS E O PELO ROXIÑO
(BIS)

Acendede catro pallas
e vámonos pra Belén
cantarlle ron ron ao neno
pra facelo durmir ben.
(BIS)

E VAMOS A VER,E VAMOS A VER
AO NOSO MENIÑO
QUE NACEU
COS OLLOS AZUIS E O PELO ROXIÑO
(BIS)

Estas uviñas,uviñas
i estas castañas con mel
son pro meu meniño meigo
pro meu meniño Manuel
(BIS)

E VAMOS A VER,E VAMOS A VER
AO NOSO MENIÑO
QUE NACEU
COS OLLOS AZUIS E O PELO ROXIÑO
(BIS)


 DESCARGA AQUÍ A LETRA

Convivencia Nadal 2016

Hoxe disfrutamos dunha xornada de convivencia, nesta ocasión nas aulas de Arantei, A Vesada e Fornelos onde fixemos un mural de Nadal, ensaiamos todos xuntos a panxoliña que imos facer na Casa da Cultura de Salvaterra o mércores 21 deste mes e pasámolo moi,moi ben compartindo almorzo, risas e xogos. Aquí tendes unha pequena mostra deste día especial.

VISITA DO APALPADOR

POR FIN CHEGOU O TEMPO DE NADAL E O PASADO MARTES 15 DE DECEMBRO OS NENOS E NENAS DO CRA A LAGOA RECIBIRON EMOCIONADOS A VISITA DO APALPADOR. PASÁMOLO MOI BEN, MIRADE!!!

 

GRAZAS APALPADOR POR FACERNOS PASAR UN DÍA CHEO DE CANCIÓNS, HISTORIAS, BAILES E AGASALLOS.

Papis e mamis, este ano, como todos os anteriores, tedes a misión de cantar unha panxoliña para os nenos. As profes non vos deixaremos solos!! Este ano a panxoliña chámase "Señora iama da casa", que é unha peza tradicional, arranxada por Paulo Nogueira e Magoia Bodega, e está interpretada polas Cantareiras de "Ultreia". Está incluída no disco O Quiquiriquí, editado pola Asociación de Gaiteiros Galego, e no que se fai un repaso á nosa tradición no que se refire ó Nadal, desde os moitos diferentes puntos de vista.
Aí vai!!!

SEÑORA IAMA DA CASA 

CANTEMOS E MÁIS BAILEMOS 

NA MELLOR FESTA QUE HAI 

QUE HOXE NACEU UN NENO  

QUE ESTÁ NOS BRAZOS DA NAI 

(BIS)                                                                                                SEÑORA IAMA DA CASA 

VÉÑANOS A DESPACHAR 

QUE ESTÁ A NOITE MOI FRÍA 

NON PODEMOS AGHARDAR (BIS)

TEÑO UNHA PITIÑA TEÑO(BIS)                            

CON DOCE PITOS TAMÉN 

PRA REGALARLLE A MARÍA 

QUE ESTÁ PARIDA EN BELÉN 

(BIS)                                                                                              SEÑORA IAMA DA CASA… (BIS)

LOGO VIRÁN OS PASTORES 

QUE TAMÉN O QUEREN VER 

LEVAN OVOS E MANTEIGA 

E UNHA XARRIÑA DE MEL 

(BIS)                                                                                             SEÑORA IAMA DA CASA (BIS)

O DÍA DE NOITEBOA 

E O DÍA DE NADAL 

HEI COMER MOITAS CASTAÑAS 

QUE ME VAI DAR MIÑA NAI 

(BIS)                                                                                               SEÑORA IAMA DA CASA… (BIS)

FESTA DE NADAL 2014

O pasado venres día 19 de decembro celebramos na casa da cultura de Salvaterra o festival de Nadal.

Primeiro desfrutamos coa obra de títeres "as aventuras de don allo"  que como xa é tradicional dende fai anos estivo representada polos mestres e mestras do cra. 

Despois foi o turno dos cativos e cativas das aulas, que xunto coas súas mestras nos interpretaron divertidas cancións, panxoliñas e moito máis.

• ARANTEI E CABREIRA. DANCE FELIZ NAVIDAD

• CORZÁNS E PESQUEIRAS. FROSTY

• A VESADA. EL BURRITO SABANERO

• OLEIROS. REMIX NAVIDEÑO PITUFOS

• FORNELOS. RECUERDOS NAVIDEÑOS.

Mesmo cantamos en inglés, coa axuda da mestra Deli subimos todos ao escenario para interpretar a panxoliña "jingle bells".

Tres reis en bicicleta foi a panxoliña que este ano cantaron os adultos. Pais, nais, avos ... todos subiron a dar o seu "do de peito", grazas de novo pola vosa colaboración.

Para acabar, e despois do descanso e a merernda con rosca (patrocinada polas asociacións de comerciantes "unes" e "aces") tivemos a esperada visita das SSMM os reis magos de Oriente. 

Foi unha mañá chea de emocións e diversión. Dende o CRA A Lagoa queremos desexarvos un bo nadal a todos, e un feliz ano novo 2015.

BO NADAL

Este ano os nenos e nenas do CRA A Lagoa falan sobre o Nadal e felicitan a todos as festas con este vídeo.

BO NADAL !!!       E        FELIZ ANO NOVO 2015

VISITA DO APALPADOR

O pasado luns día 15 de decembro tivemos a visita do apalpador nas aulas.

¿Coñecedes a historia do apalpador? podédela ver a través deste video-conto que fixeron os alumnos e alumnas do CEIP Nosa Sra de Xuvencos.

A continuación podedes desfrutar desta presentación de fotos que resume todo o acontecido ese día. 

Grazas Anxo Moure, unha aperta moi forte de todos nos.

DECORANDO A ÁRBORE DE NADAL

Os nenos e nenas de Pesqueiras fomos hoxe a decorar a árbore de Nadal a casa da Cultura cos adornos fabricados por nos mesmos, algúns deles de reciclaxe. 

Unha vez mais grazas aos colaboradores e colaboradoras, sen vos non sería posible.

OS REIS EN BICICLETA

Ola papis, mamis e familia dos nosos peques. Este ano, como todos, cantaremos unha panxoliña para os nenos. Nesta ocasión será "Os reis en bicicleta" do grupo musical infantil Mamá Cabra. Aí vai un vídeo e a ver se vos gusta tanto como a min!!!