Fixemos varias actividades, merendamos de marabilla, zampamos castañas e...cantamos e bailamos coas nosas familias!!
Grazas á ANPA pola froita, os biscoitos, o chocolate e as castañas asadas que estaban boísmas!!!
Agradecer tamén á Asociación Leitarello por facilitarnos o uso da Casa de Cultura de Leirado
Vémonos na seguinte!
E aquí tedes o resumo do que foi a xornada das convivencias para celebrar o Samaín nas nosas aulas:
Estimadas familias!
Aquí estamos de novo preparando a festa do MAGOSTO, para o que imos precisar da vosa axuda.
Imos elaborar un PORTACASTAÑAS seguindo as indicacións seguintes:
Precisamos un envase tipo brick (de zume ou leite), limpiño, co nome e a poder ser confeccionado deste xeito:
1º Marcamos a metade do envase por 3 caras (da igual deixar sen marcar a cara ancha que a estreita):
2º Cortamos pola marca e dobramos pola cara que quedou sen marcar:
3º Grampamos o envase pola parte dobrada para que colla a forma:
E… xa temos o noso portacastañas!
Un lado para as castañas e outro para as mondas porque… festa si, pero deixando todo limpo.
Na aula encargarémonos de decoralo, polo que precisamos que o traiades como moi tarde o venres 13 de outubro.
GRAZAS POLA VOSA COLABORACIÓN!!
E por fin aquí vos deixamos os vídeos do festival de Nadal deste ano. Esperamos que vos gusten e que vos enchades de tenrura coas/cos vosas/vosos peques.
ACTUACIÓN DE PESQUEIRAS-ARANTEI-CABREIRA
Vesada
Cabreira
Oleiros
Pesqueiras
Corzáns
Arantei
Fornelos.
Aínda que foi moi diferente, o venres celebramos o ENTROIDO no Cra a Lagoa, cada un na súa aula pero todos disfrazados de peregrinos. Elaboramos a Meca, gozamos de ricas merendas de entroido e por suposto, cantamos, bailamos, xogamos e trouleamos sen parar. Aquí tedes unha pequena mostra do ben que o pasamos.
PESQUEIRAS
ARANTEI
Este ano, conmemorando o ano Xacobeo e o noso proxecto sobre o Camiño de Santiago, imos ir disfrazados de peregrinos.
Mañá imos deixar aquí as instrucións para facer a capa, pero para ir quentando motores, aquí tedes os MANDADIÑOS da MECA para a próxima semana.
O día 22 celebramos nas aulas o festival de Nadal que este ano estivo relacionado co Camiño de Santiago. Arantei escolleu unha canción vinculada co Camiño do Norte, Cabreira co Camiño Primitivo, Cozáns co Camiño Inglés, Fornelos co Camiño Francés, Oleiros co Camiño de Fisterra a Muxía, Pesqueiras coa Vía da Prata e Vesada co Camiño Portugués.
Aínda que foi un festival moi diferente ao de anos anteriores, gozamos vendo as actuacións de todas as aulas, degustamos ricas merendas de Nadal, recibimos postais d@s nos@s compañeir@s das outras escolas e tivemos a visita do apalpador e tamén agasallos. Ademais, como fixo bo tempo, os nosos familiares puideron ver a nosa actuación en directo nos patios das escolas.
Aquí deixámosvos unha mostra do noso FESTIVAL DE NADAL do 2020!!!
FELICES FESTAS!!
ARANTEI
"Astonauta tronpeta flauta"
PESQUEIRAS
"Macarena"
FORNELOS
“ Bim bam toi”
VESADA
“Caminho de Viseu “
CORZÁNS
" I like to move It"
CABREIRA
"Nun mos gusten los lunes"
OLEIROS
"Pousa, pousa"
E non podía faltar a visita do APALPADOR
Este curso, dada a situación na que nos atopamos, non nos poderemos xuntar como anos anteriores para celebrar o SAMAGOSTÍN, pero sí o festexaremos nas aulas o vindeiro venres.
Aquí deixámosvos unha chea de terroríficas actividades para que vaiades quentando motores.
 |
| Plaza do Concello Salvaterra de Miño |
